saqarTvelos uReltexilebi - laftaris uReltexili
| კოორდინატები | 42°52`53` ჩ. გ. 42°56`47` ა. გ. |
| ტერიტორიული ერთეული | მესტიის მუნიციპალიტეტი |
| სიმაღლე | 2830მ |
| ქედი | სვანეთის ქედი |
| აკავშირებს | ქვემო სვანეთს ზემო სვანეთთან |
| ამგებელი ქანები | თიხაფიქლები ქვიშაქვები |
| ფლორა | სუბალპური და ალპური მდელოები |
უღელტეხილი საქართველოში, სამეგრელო-ზემო სვანეთის მხარეში, მესტიის მუნიციპალიტეტში. მდებარეობს სვანეთის ქედზე, მდინარეების ლამუშურისწყლისა (ცხენისწყლის მარჯვენა შენაკადი) და ვალეეშის (ენგურის მარცხენა შენაკადი) სათავეებში. სიმაღლე ზღვის დონიდან 2830 მ. ლატფარის მიდამო აგებულია იურული თიხაფიქლებითა და ქვიშაქვებით. შემოსილია სუბალპური და ალპური მდელოებით. საჭაპანო გზით აკავშირებს ქვემო სვანეთს (ცხენისწყლის აუზი) ზემო სვანეთთან (ენგურის აუზი).